Jahon chempionatidagi ishtirokimizni 2 ta medal bilan yakunladik

Xabar berganimizdek, bugun jamoaviy bahslarning ilk davrasida terma jamoamiz germaniyalik dzyudochilarga qarshi bahs olib borishlari kerak edi. Afsuski, ushbu bellashuvda olmonlarning qo'li baland keldi. Dastlabki to'rtta bellashuvda g'alaba qozongan germaniyaliklar keyingi bosqichga yo'l olishdi. 

SHu tariqa, Ulug'bek Azizov murabbiyligidagi O'zbekiston yoshlar terma jamoasi jahon chempionatidagi ishtirokini 1 ta kumush va 1 ta bronza medali bilan yakunladi. Yoshlarimiz o'z ishtiroklari bilan kattalar terma jamoasiga munosib raqobat qila olishlarini isbotlashdi.