Jahon chempionatining ikkinchi kuni ham quruq bo'lmadi, umumjamoa hisobida hamon peshqadammiz!

Dunyo birinchiligining ikkinchi kunida ham 4 ta vazn toifasida g'olib va sovrindorlar aniqlandi. Qizig'i, terma jamoamizning -60 kg vazndagi ikki vakili Muhammadkarim Nosirov va Dilshod Karimov jahon chempionatining bronza medali taqdirini o'zaro kechgan bellashuvda hal qilishdi. Qo'shimcha daqiqalargacha cho'zilgan uchrashuvda buxorolik dzyudochimiz Dilshod Karimov g'alaba qozonib, jahon chempionati sovrindoriga aylandi. 

SHu tariqa, O'zbekiston terma jamoasi hisobidagi medallar soni 4 taga etdi. Birinchi kungi bellashuvlarda uch nafar dzyudochimiz jahon chempionatining oltin medallarini qo'lga kiritgan edi. 

Ikkinchi kungi bahslardan so'ng O'zbekiston terma jamoasi medallar jamg'arish bo'yicha umumjamoa hisobida hamon birinchi o'rinni egallab turibdi. Ikkinchi o'rinni IJF bayrog'i ostida kurashayotgan rossiyalik dzyudochilar 2 ta oltin, 2 ta bronza medali bilan band etishgan. Bitta oltin, bitta kumush, 2 ta bronza medaliga ega Qozog'iston terma jamoasi uchinchi o'ringa ko'tarilib oldi.       

Kechagi kun g'olib va sovrindorlari