Jahon chempionatlaridagi tarix yangilandi, umumjamoa hisobida kuchli to'rtlikdamiz!

Quvonarlisi, O'zbekiston terma jamoasi jahon birinchiligida 1 ta oltin, 4 ta kumush, 3 ta bronza medali bilan umumjamoa hisobida dunyoning 60 davlati orasida 4-o'rinni egalladi. Agar kecha Abbos SHermahmatov finalda vengriyalik raqibi Peter Kenderesini mag'lub etganida, jahon chempionatini 2-o'rinda yakunlagan bo'lardik. 

Kechagi kun qahramonlari orasida -70 kg vazn toifasida yurtimiz sharafini himoya qilgan Barchinoy Qodirova italiyalik Serena Ondeini taslim etib, jahon chempionatining oltin medalini qo'lga kiritdi. Bu bilan u Diyora Keldiyorovadan so'ng kadetlar o'rtasida jahon chempioni bo'lgan ikkinchi o'zbekistonlik dzyudochimizga aylandi.