Jahon kubogida kumush medalni qo'lga kiritgan taekvondochilarimiz Parij-2024 Olimpiadasida ko'rgazmali chiqish dasturida ishtirok etadi

Ushbu yo'nalish Parij-2024 ga ko'rgazmali dastur sifatida kiritilgan bo'lsa, Los-Anjeles-2028 Olimpiadasidan boshlab medallar jamlanmasi o'ynalishi kutilmoqda.

Kecha Xitoyda yakuniga etgan Jahon kubogida O'zbekiston terma jamoasining qo'lga kiritgan kumush medali katta ahamiyatga ega. Boisi, terma jamoa tarkibida Ulug'bek Rashitov, Svetlana Osipova kabi etakchilar ishtirok etishmagan bo'lsa ham, bellashuvlar davomida ushbu sport vatani bo'lmish Janubiy Koreya jamoasi mag'lub etildi. Jangovar tarkibda qatnashgan Xitoy bilan tengma teng raqobat olib borildi.

Jahon kubogidagi natija sportchilarimizga Parij-2024 Olimpiadasi doirasida o'tkaziladigan ko'rgazmali dasturda qatnashish imkoniyatini taqdim qildi. Unda faqatgina Franciya, O'zbekiston, Xitoy va Janubiy Koreya jamoalari o'rtasida bahs kechadi.