Jahonning nomdor polvonlari Sirdaryoda bellashmoqda

O'zbekiston yoshlar siyosati va sport vazirligi, Sirdaryo viloyati xokimligi, O'zbekiston belbog'li, bel olish va uch kurash milliy associaciyasi, Sirdaryo viloyati xokimligi tashabbusi bilan tashkil etilayotgan musobaqa doirasida dastlab jurnalist va blogerlar uchun matbuot anjumani bo'lib o'tdi.

Anjumanda jahon chempionatiga tashrif buyurgan Ruminiya, Bolgariya, Rossiya, Moldova, Guruziya, Ruminiya, Ozarbayjon, qo'shni Qozog'iston, Tojikiston, Qirg'iziston va boshqa bir qator mamlakatlarining delegaciya rahbarlari ishtirok etib, ommaviy axborot vositalari xodimlarini qiziqtirgan savollariga javob berishdi.

SHuningdek, jahon chempionati oldidan bel olish va uch kurash spor turi bo'yicha xalkaro Kongress ham bo'lib o'tgandi. Unda Xalqaro belbog'li, bel olish va uch kurash Associaciyasi tuzildi. Xalkaro tashkilotning raisi etib hamyurtimiz Norqul Yusupov saylandi. 

Jahon chempionati bahslari davom etmoqda. Musobaqaning dastlabki bellashuvlari uch kurash sport turi bo'yicha tashkil etilyapti.