Jalolov, Halokov, Mullojonov va boshqa bokschilarimiz Turkistonga jo'nab ketishdi

Bu haqda mamlakat havaskor boks federaciyasi matbuot xizmati xabar bermoqda. CHarm qo'lqop ustalarimiz 12-21 aprel kunlari Qozog'istonning Turkiston viloyatida tashkil etiladigan xalqaro o'quv-mashg'ulot yig'inida qatnashadi. 

Yig'inda mezbonlardan tashqari yana bir qator mamlakat bokschilari ham mashg'ulot o'tkazadi. Bugun terma jamoamiz delegaciyasi katta murabbiy Rahmatjon Ro'ziohunov boshchiligida Turkistonga yo'l oldi. Ushbu yig'in Parij-2024 olimpiya o'yinlari oldidan tayyorgarlik vazifasini o'tab beradi.

Terma jamoa tarkibi: Hudoynazar Fayzov, SHahzod Muzaffarov, Dilshod Abdumurodov, Abdumalik Halokov, Adham Muhiddinov, Rahmatilla Boymatov, Ruslan Abdullaev, Jasurbek Yo'ldoshev, To'rabek Habibullaev, Saidjamshid Jafarov, Lazizbek Mullojonov, Bahodir Jalolov.

Murabbiylar: Rahmatjon Ro'ziohunov, Farrux Qilichev, Davron Gafurov, Ozod Hasanov, Xamza Avezov, Alisher Tuychiev, Rustam Razakov.