Jalolovda kumush, Poyonovda bronza, Jamalov esa medalsiz qoldi

Finalga qadar etib kelgan yagona erkin kurashchimiz Umidjon Jalolov (-65 kg) hindistonlik doimiy raqibiga yutqazib, kumush medal bilan kifoyalandi. SHerzod Poyonov (-92 kg) esa uchinchi o'rin uchun kechgan bellashuvda g'alaba qozonib, bronza medaliga sazovor bo'ldi.

Yarim finalda yaponiyalik unchalik taniqli bo'lmagan kurashchiga bir ochko farqi bilan yutqazib qo'ygan Parij Olimpiadasi chempioni Razambek Jamalov bronza medali uchun kechishi kerak bo'lgan bellashuvga chiqmadi. Buning natijasida bronza medali mo'g'ulistonlik Suldhuu Olonbayarga taqdim etildi. 

Bugun uch nafar erkin kurashchimiz - Begijon Qo'ldoshev, Bobur Islomov va Parij Olimpiadasi sovrindori G'ulomjon Abdullaev Osiyo chempionatining bronza medali uchun gilamga chiqadi. 

Bronza uchun kurashadigan hamyurtlarimiz:

-61 kg: G'ulomjon Abdullaev — Azatberdi Ashurguleev (Turkmaniston)

-74 kg: Begijon Qo'ldoshev —  Mustafo Ahmedov (Tojikiston)

-86 kg: Bobur Islomov / Xidir Saypudinov (Bahrayn) — Bolat Sakaev (Qozog'iston)