Jami 26 ta medalga ega O'zbekiston paralimpiyachilari nechanchi o'rinda?

Kechagi kun doirasida o'zbekistonlik paralimpiyachilar 1 tadan oltin, kumush va bronza medalini qo'lga kiritdi. Kechagi kunning biz uchun yagona oltin medali para engil atletikachimiz Nurxon Qurbonova O'zbekiston delegaciyasiga taqdim etdi. Bu Parij paralimpiya o'yinlaridagi o'ninchi oltin medalimiz bo'ldi. 

Bugungi kun oldidan O'zbekiston sport delegaciyasi 10 ta oltin, 9 ta kumush, 7 ta bronza, jami 26 ta medal bilan umumjamoa hisobida 13-o'rinni egallab turibdi. Kecha 12-pog'onada edik. Biz singari 10 ta oltin, 9 ta kumush medalga ega Kanada terma jamoasi 12-o'ringa ko'tarilib oldi. Okean orti vakillari hisobida 10 ta bronza medali bor. 

Kecha 11 ta oltin medal qo'lga kiritgan Xitoy Respublikasining umumiy medallari 200 tadan oshdi. CHin yurti vakillari 94 ta oltin, 73 ta kumush, 49 ta bronza, jami 216 ta medal bilan ro'yxatda katta ustunlik bilan peshqadamlikni davom ettirmoqda. Qirq ettita oltin, 42 ta kumush, 31 ta bronza medaliga ega Buyuk Britaniya ikkinchi o'rinni egallab turibdi. AQSH sportchilari 36 ta oltin, 41 ta kumush, 25 ta bronza medali bilan kuchli uchlikka yakun yasashgan. Niderlandiya delegaciyasi 26 ta oltin, 17 ta kumush, 12 ta bronza medali to'rtinchi pog'onadan joy olgan.  

Bizdan avvalgi o'rinlarni Kanada, Germaniya, Yaponiya, Avstraliya, Franciya, Ukraina, Braziliya va Italiya terma jamoalari band etgan. Jami 66 davlat delegaciyalari hisobida kamida 1 tadan oltin medal bor. Kamida 1 ta bronza medalini qo'lga kiritgan davlatlar soni 85 taga etdi.