Jami 30 sport kurashchimiz qatnashgan Osiyo chempionatini oltin medalsiz yakunladik + FOTOGALEREYA

Kecha qita chempionatining so'nggi kuni yunon-rum kurashi bo'yicha yana 5 ta vazn toifasida g'olib va sovrindorlar nomi malum bo'ldi. Klassiklarning ilk kungi bellashuvlarida Doniyorxon Nakibov (-77 kg) va Rahimjon Uzoqov (-87 kg) bronza medallarini qo'lga kiritishgandi. Kechagi kun Abdullo Aliev (-72 kg) va Muhammadqodir Rasulov (-82 kg) ham bronza medallariga sazovor bo'lishdi.

SHu tariqa, O'zbekiston sport kurashlari (erkin, yunon-rum va ayollar kurashi) terma jamoasi olti kunlik bellashuvlar yakuniga ko'ra Osiyo chempionatini oltin medalsiz yakunladi. Erkin kurashchilarimiz 2 ta kumush, 1 ta bronza, yunon-rum kurashchilarimiz esa 4 ta bronza medaliga sazovor bo'lishdi. Ayollar kurashi vakilalalari esa O'zbekistonga quruq qo'l bilan qaytishdi.  

Kumush medal sohiblari:

-86 kg: Javrail SHapiev (erkin kurash)

-92 kg: SHerzod Poyonov (erkin kurash)

Bronza medal sohiblari:

-79 kg: Asomiddin Hasanov (erkin kurash)

-72 kg: Abdullo Aliev (yunon-rum kurashi)

-77 kg: Doniyorxon Nabikov (yunon-rum kurashi)

-82 kg: Muhammadqodir Rasulov (yunon-rum kurashi)

-87 kg: Rahimjon Uzoqov (yunon-rum kurashi)