"Jangda men g'alaba qozongandim". Qozog'istonlik bokschi Asadxo'ja Mo'ydinxo'jaevdan revansh olmoqchi

— Sanatali, Dubayda Asadxo'ja bilan bo'lgan jangingiz haligacha ijtimoiy tarmoqlarda keng muhokama qilinmoqda. O'shanda bu savolni berish imkoniyati bo'lmagandi, hozir esa bor. SHu bois fikringizni bilmoqchimiz.

— Jahon chempionati yakunlandi. Albatta, afsuslanish bor. Murabbiylar fikriga ko'ra ham, o'z fikrimga ko'ra ham men g'olibga o'xshab ko'ringanman. Birinchi raundni yutdim, ikkinchi raundni ishonchli tarzda yutdim. Uchinchi raundda esa, ikki raund natijasiga ko'ra oldinda ekanimni bilib, raqibni nokaut qilishga urindim va shu xatom bo'ldi. Natijada uchinchi raundni yutqazdim. Umumiy hisobda — 2:1. O'z hisob-kitobimga ko'ra, men jangda g'alaba qozondim, deb hisoblayman.

— Raundlar bo'yichami?

— Ha, raundlar bo'yicha.

— Ko'pchilik ham shuni ko'rdi. Umuman olganda, murabbiylar hisobni qanday bo'lsa shunday aytadimi yoki biroz yumshatib etkazishadimi?

— Ha, men o'zim murabbiylardan hisobni rostdan, qanday bo'lsa shunday aytishni so'raganman.

— Bu sizga psixologik jihatdan tasir qilmadimi?

— Yo'q, mutlaqo. Bu erda yashiradigan hech narsa yo'q. Sen ringga chiqqach, jang davomidayoq hakamlarda qanday fikr va qanday qaror bo'lishi mumkinligini his qilasan.

— Asadxo'ja haqida nima deysiz? Balki kelajakda yana uchrasharsizlar.

— Yaratgan nasib qilsa ajab emas. Nima deyish mumkin… u jahon chempioni, Olimpiya chempioni. Bunday jangchilar tasodifan chiqib qolmaydi. Men yaxshi tajriba oldim. Yaratganning inoyati bilan keyingi janglarda katta ustunlik bilan g'alaba qozonaman.

— Uning natijalari sizga psixologik bosim qilmadimi?

— Yo'q. Ringdan tashqarida, ehtimol, uning katta nomi bordir, lekin ring ichida barchamiz tengmiz.

— Jangdan keyin o'zaro gaplashdinglarmi?

— Faqat qo'l berib ko'rishdik, rahmat aytdik — xolos. Boshqa hech narsa yo'q.

Eslatib o'tamiz, qozog'istonlik bokschi Dubayda bo'lib o'tgan IBA jahon chempionati chorak finalida Olimpiada va Jahon chempioni Asadxo'ja Mo'ydinxo'jaevga qarshi jang qilib, 1:4 hisobida yutqazgandi.