"Janglar biznesdan osonroq edi, chunki..." - Xabib Nurmagomedov biznes loyihalari haqida gapirdi

"Olti yildan beri biznes loyihalarimni boshqarib kelyapman va jangchilarni tayyorlayman. Bu kun tartibiga juda etiborli bo'lishni talab qiladi. Jang qilish osonroq edi, u erda hammasi soddaroq va halolroq bo'lardi. Biznesda esa bazan o'zing uchun noqulay sharoitlarda ham kurashishga to'g'ri keladi.

Biznesni jamoasiz qurib bo'lmaydi. Mening sport zalim, qahvaxonalarim bor va har bir yo'nalishda o'z jamoasi ishlaydi. Bularning barchasini bir-ikki yilda qurmaganman. Buning uchun besh-olti yil vaqt ketdi.

Muvaffaqiyatli biznes qurishdagi eng muhim narsa — malumot. Sen uni jamoang bilan bo'lishishing, doim aloqada bo'lishing va ochiq bo'lishing kerak. Men har kuni jamoam bilan muloqot qilib turishga harakat qilaman", — dedi Xabib Sharjah Entrepreneurship Festival'ning YouTube kanaliga bergan intervyusida.

SHuningdek, Nurmagomedov muvaffaqiyatli insonlardan maslahat olish muhimligini takidladi.

"Ha, albatta. Sendan ko'ra kattaroq muvaffaqiyatga erishgan insonlarni tinglash doimo muhim. Qora belbog'ing bo'lsa ham, ruhiy jihatdan oq belbog'li inson bo'lib qolishing kerak. O'rganishda davom et va o'zingni cho'qqiga chiqdim deb hisoblama.

Biznesda oq belbog'li inson bo'lib qolish sportdagidan ham muhimroq", — deya qo'shimcha qildi Nurmagomedov.