Merab Dvalishvili Umar Nurmagomedovning mag'lubiyatiga ilk bor fikr bildirdi

Umar Nurmagomedovga bo'lgan shaxsiy adovatiga qaramay, Merab Dvalishvili rossiyalik sobiq raqibining Song Yadong bilan jangda nokaut evaziga og'ir mag'lubiyatga uchraganidan quvonmadi.

"Song Yadongning chiqishi tasirli bo'ldi. Men bu yigit xavfli ekanini doim bilardim. Umar mag'lub bo'lganini ko'rganimda, xursand bo'lmadim, chunki men hech kimga mag'lubiyat yoki bunday nokautni ravo ko'rmayman. Men quvonmadim, lekin Song Yadong uchun xursandman, chunki u endi yangi davogar", – dedi gruziyalik jangchi UFC on Paramount nashriga bergan intervyusida.

Eslatib o'tamiz, 24 oktyabr kuni Abu-Dabida bo'lib o'tadigan UFC 333 turnirida Merab Dvalishvili Petr Yan bilan trilogiyaning yakuniy jangida engil vazn toifasidagi chempionlik kamarini qaytarib olishga urinib ko'radi. Agar u ushbu jangda g'alaba qozonsa, Song Yadong u bilan to'qnash kelish uchun asosiy nomzodga aylanadi.

"Bu yangi qon, men u bilan hali hech qachon jang qilmaganman. U menga qiziq, chunki u nokaut qiluvchi kuchga ega. Xudo xohlasa, Pyotrni engaman. O'ylaymanki, shundan so'ng Song Yadong mening navbatdagi raqibim bo'ladi, chunki biz hali u bilan jang qilmaganmiz", – deya so'zlariga yakun yasadi UFC sobiq chempioni Merab Dvalishvili.