“Jar”da O'zbekiston chempionlari aniqlanadi

Musobaqada mamlakatimizning barcha viloyatlari, Toshkent shahri va Qoraqalpog'iston Respublikasidan to'plangan 7 yoshdan 16 yoshgacha bo'lgan qariyb 1 100 nafar o'g'il-qiz g'oliblik uchun ringga ko'tariladi. Bahslar har bir yoshdagi ishtirokchilar o'rtasida jami 60ta vazn toifasida tashkil etildi.

Bugun musobaqaning ochilish marosimi o'tkazildi.

Bu yilgi musobaqada ishtirokchilar soni har qachongidan ko'p bo'ldi. Bu esa yurtimizda kikboks sport turiga bo'lgan qiziqish tobora ortib borayotganidan darak beradi. Uch kun davom etadigan musobaqalarda o'zini ijobiy tomondan ko'rsatgan umidli yoshlar esa kelgusida mamlakatimiz o'smirlar va yoshlar terma jamoalariga jalb etiladi. bu sportchilarimiz xalqaro arenalarda ham o'z so'zlarini aytishiga ishonaman, dedi O'zbekiston kikboks associaciyasi rahbari Oybek Normatov.

SHuni takidlash joiz, bu yilgi musobaqalar dunyoga mashhur Ludus kompaniyasi bilan hamkorlikda tashkil etildi. Yangi texnologiya kikboksda sportchilarning zarbasi qanchalik kuchli va tez bajarilayotganini aniqlab beradi. Uning yordamida sportchilar o'z mahoratini yanada oshirib borishlari mumkin.

Musobaqa g'oliblari 3 mart kuni aniqlanadi.