O'zbekiston kikboks bo'yicha jahon chempionatiga mezbonlik qilishi mumkin

Yaqin yillarda mazkur turnirlar orasiga kikboks ham qo'shilishi mumkin. Bu masalani MOQ raisi Rustam SHoabdurahmonov Jahon kikboks tashkiloti vice-prezidenti Salim Kayichi bilan uchrashuvda muhokama qildi. 

Uchrashuvda, shuningdek, O'zbekiston kikboks federaciyasi raisi Oybek Karmetov ham ishtirok etdi. Suhbat davomida mamlakatimizda ushbu sport turini yanada rivojlantirish, federaciyalar o'rtasidagi hamkorlik aloqalarini yanada rivojlantirish kabi masalalar atroflicha muhokama qilindi.

MOQ rahbari turkiyalik mehmonga Prezidentimiz boshchiligida sportni rivojlantirishga qaratilayotgan etibor, sog'lom turmush tarzi targ'iboti xususida gapirib berdi. O'z navbatida, Salim Kayichi ayni paytda poytaxtimizda o'tayotgan kikboks bo'yicha xalqaro musobaqaning yuqori saviyada o'tayotgani, bunday tashkilotchilik bilan O'zbekistonning kattalar o'rtasidagi jahon chempionatini qabul qilishi mumkinligini aytib o'tdi. Rustam SHoabdurahmonov ushbu fikrni qo'llab-quvvatladi va MOQ bu borada hamkorlikda ishlashga tayyor ekanini bildirdi.

Uchrashuv yakunida tomonlar har ikki mamlakat rahbarlarining olib borayotgan do'stona aloqalarini sport sohasida davom ettirishdan minnatdor ekanligini takidlab, esdalik uchun sovg'a almashishdi.