"Jasko Koach" Muradovning Brayan Barberena bilan jangdagi imkoniyatlari haqida gapirdi + VIDEO

"Bu Mahmud uchun so'nggi imkon bo'lishi mumkin. O'zi shartnoma bo'yicha ikkita jang qolgan deyishgan edi, lekin bu so'nggisi. Raqibida ham so'nggi imkoniyat. Mahmudning imkoniyatini u qadar yuqori deb o'ylamayman. CHunki raqibi ham juda tajribali. U ko'p sportchilar bilan jang qilgan, jumladan Leon Edvards bilan. Yaqinda Rafael dos Anosga yutqazgan edi. U 77 kgdan 84 ga o'tmoqda. Bu Mahmudga oson bo'ladi, deb o'ylamayman. CHunki raqibi tajribali. Lekin imkoniyatlari bor. Vazn va zarba texnikasi borasida. Endi Mahmud qanaqa taktika tayyorlayapti, bu haqda to'liq malumotga ega emasman. Brayan asosan kurash evaziga yutqazgan. Lekin Mahmud unga qarshi kurash qiladi, deb o'ylamayman. CHunki hamma ham o'zining "fishka" uslubini ishlatadi.

Lekin Borralo bilan jangdan keyin Mahmud Muradov ham kurashga etibor bergan bo'lsa kerak?

"Ayni damda kurashga etibor juda katta. Men kecha ham o'zi bilan gaplashganimda, "Asosan kurash qilyapmiz, "stoyka"da kerakli zarbalar, texnikalar qo'yish borasida ishlayapmiz" dedi. Ko'rgan bo'lsangiz, Borralo bilan ham yaxshi kurashdi. Ko'p vaziyatlardan chiqib keta oldi, unaqasiga Borralo uncha-munchasini qo'yib yubormaydigan jangchi, lekin ishladi va mana qo'lidan keldi. 

Biroq Borraloga qarshi jangda Muradov parterda ko'proq vaqt o'tkazgan edi...

"Ha, shunaqa. 3-raundda agar ko'rgan bo'lsangiz, oxirgi imkoniyating, qo'lingdan kelganini qilib "stoyka"da ishla, desam, kurashga kirdi. Endi meni gapimni eshitdimi, yo boshqa murabbiyni gapini eshitdimi, bilmadim-u, kurashga kirib, o'z kuchini kurashda sinadi. Teykdaun qilmoqchi bo'ldi, o'xshamay qoldi. Endi bu ham lotereya, qachon yutadi, qachon yutqazadi, bilib bo'lmaydi. SHunaqa sportchilarni ko'rganmiz, uchinchi raundda ham yutib turgan joyida bitta zarba bilan yutqazib qo'yganini.