Jastin Getji Islam Maxachevga "vyzov" tashladi

Amerikalik jangchining fikricha, braziliyalik CHarlz Oliveyra emas, aynan u Islamning kamariga davogar ekan.

"Men reytingda ikkinchi o'rindaman. Dastin Poreni nokaut evaziga mag'lub etganman. To'g'ri, CHarlz Oliveyra reytingda menda yuqorida, lekin u Maxachevga yutqazib bo'lgan. Men esa hali Islam bilan jang o'tkazmaganman. Bu UFC engil vazn toifasi uchun yangi jang bo'ladi. Muxlislarga ham aynan shu qarama-qarshilik kerak. 

"O'ylashimcha, Maxachev Volkanovskini qanday mag'lub etgan bo'lsa, xuddi shunday Oliveyrani ham taslim etardi. Ha, Oliveyra meni yutgan, ammo MMAda matematika ishlamaydi. Avval ham aytganman, Islam Xabib emas, lekin u Nurmagomedovdek bo'la oladi. Men chempionlik jangi uchun katta yo'lni bosib o'tdim va davogar bo'lishga to'la haqliman. Islam Maxachevni mag'lub eta olamanmi? Bilmadim, lekin bu jang uchun borimni beraman", - deya Jastinning so'zlarini keltirmoqda MMA Fighting.