Jasur Mirzamuhammedovning navbatdagi jang sanasi va raqibi malum

Ushbu turnir 3 dekabr kuni bo'lib o'tadi. Hamyurtimiz senegallik Omar Kanega qarshi jang qiladi. 30 yoshli Kane MMAda 5 ta jang o'tkazgan bo'lib, 4 g'alaba va 1 mag'lubiyat qayd etgan. So'nggi 4 ta jangini aynan ONE FC ligasida o'tkazgan. To'rtta jangda raqiblarini muddatidan avval mag'lub etgan. Kirill Grishenkodan qabul qilib olgan yagona mag'lubiyatida ham texnik nokaut qayd etilgan. Kane so'nggi jangini shu yilning 29 sentyabr kuni ONE Championship 161 turniri doirasida rossiyalik Batradz Gazzaevga qarshi o'tkazib, ikkinchi raundda texnik nokaut evaziga zafar quchgan. 

Malumot uchun, Jasur Mirzamuhammedov ONE FC promoushenidagi debyut jangini shu yilning 3 iyun kuni Singapurda tashkil etilgan turnirda avstraliyalik Dyuk Didega qarshi o'tkazib, raqibini ochkolar hisobiga ko'ra mag'lub etgandi. Hamyurtimizning ONE FC bilan shartnomasi 2,5 yilga mo'ljallangan bo'lib, u shu vaqt oralig'ida 6 ta jangda oktagonga chiqishi lozim.