JCH saralash oldidan. SHimoliy Koreya - dastlabki raqib

O'yin 5 sentyabr kuni "Bunyodkor" stadionida bo'lib o'tadi. SHunday qilib hal qiluvchi saralashda ilk raqibimiz SHimoliy Koreya bo'ladi. Bu jamoani xoh SHimoliy Koreya deng, xoh KXDR.

Albatta, o'yinga yaqin qolganda raqib haqida yanada ko'proq malumot beramiz, hozir esa asosan ular haqidagi umumiy tushuncha va qanday qilib 3-bosqichga etib kelgani haqida suhbatlashamiz.

Bilasizmi? Bu jamoa ikki marta JCHda qatnashgan

Ha, shunday. Biz ko'pincha kuchsiz deb biladigan KXDR terma jamosi o'z tarixi mobaynida ikki bor jahon chempionatida ishtirok etgan. Birinchisi olis 1966 yilga borib taqaladi. O'shanda shimolliklar Osiyo-Okeaniya o'tish o'yinida Avstraliya bilan bellashib, 6:1 hamda 3:1 hisobida zafar quchgan holda Osiyodan JCHning yagona ishtirokchisiga aylangandi.

Ikkinchi ishtirok esa 2010 yil JARda o'tkazilgan mundialga to'g'ri keladi. Bunda SHimoliy Koreya hal qiluvchi bosqichda Janubiy Koreyadan so'ng ikkinchi o'rinni egallab JCH yo'llanmasiga ega chiqqandi. Yana kimlarni ortda qoldirib deysizmi, Saudiya Arabistoni, Eron va BAAni. Keling, shu o'rinda natijalarni eslab o'tamiz.

1-tur. BAA - KXDR 1:2
2-tur. KXDR - Janubiy Koreya 1:1
3-tur. Eron - KXDR 2:1
4-tur. KXDR - Saudiya Arabistoni 1:0
5-tur. KXDR - BAA 2:0
6-tur. Janubiy Koreya - KXDR 1:0
7-tur. KXDR - Eron 0:0
8-tur. Saudiya Arabistoni - KXDR 0:0

Keyinchalik mundialda "G" guruhidan joy olgan SHimoliy Koreya Braziliya, Portugaliya va Kot-D'Ivuarga qarshi maydonga tushib, barcha o'yinlarda mag'lub bo'lgan va nol ochko bilan musobaqani tugatgan.

KXDR uchinchi bosqichga qanday etib keldi?

Yana hozirgi davrga qaytamiz va SHimoliy Koreyaning qanday qilib uchinchi bosqichga etib kelgani haqida fikr yuritamiz. Bu jamoa reytingda birmuncha yuqori o'rinda bo'lgani sabab ikkinchi bosqichdan kurashga qo'shildi va qura paytida Yaponiya, Suriya va Myanma bilan bir guruhda joy oldi. Guruhdagi barcha 6ta uchrashuvni g'alaba bilan yakunlagan Yaponiya terma jamoasi 18 ochko to'plab keyingi bosqichga chiqqan bo'lsa, KXDR 9 ochko bilan ikkinchi o'rinni egalladi va Suriyani ortda qoldirgan holda uchinchi bosqichga etib keldi.

2-bosqichdagi natijalar:
1-tur. Suriya - KXDR 1:0
2-tur. Myanma - KXDR 1:6
3-tur. Yaponiya - KXDR 1:0
4-tur. KXDR - Yaponiya 0:3 (texnik g'alaba, Yaponiyada "tarqalayotgan kaksallik sabab" KXDR bu o'yinga mezbonlik qilishdan bosh tortdi va natijada raqib foydasiga texnik g'alaba yozildi).
5-tur. KXDR - Suriya 1:0
6-tur. KXDR - Myanma 4:1

Etibor berib qarasak, KXDR 9 ochkoni ikki bor Myanma va bir marta Suriyani mag'lub etgan holda qo'lga kiritgan. Nega Suriya chiqa olmadi? CHunki ular uyda KXDR va Myanmani yutgani bilan safarda aynan Myanmaga qarshi 1:1 hisobida yakun topgan. Mana shu durang Suriyani guruhda qoldirib ketdi.

Yana bir malumot shuki, KXDR oxirgi 2ta uy uchrashuvini o'z maydonida emas, balki Laos poytaxti Ventyanda o'tkazdi. Bu erda "Yangi Laos Milliy Stadioni" bor bo'lib, o'z bag'riga 25 ming tomoshabinni sig'dira oladi.

Hozircha SHimoliy Koreya terma jamoasining 3-bosqich uy uchrashuvlarini qaerda o'tkazishi aniq emas. 19 noyabr kuni KXDR maydoniga safar qilishimizni hisobga olsak, bu ham biz uchun muhim hisoblanadi. Balki OFK KXDRga yana Laosdagi stadiondan foydalanishga ruxsat berar. Buni endi vaqt ko'rsatadi.

P.S. KXDR terma jamoasini ayni payt 46 yoshli mahalliy mutaxassis Sin Yong Nam boshqaryapti. Suriyaga qarshi o'yinning 90+2-daqiqasida gol urib o'z jamoasiga g'alaba taqdim etgan futbolchi Jong Il Gvan bo'lib, u 1992 yilda tug'ilgan va KXDR tarixidagi eng yaxshi to'purar hisoblanadi. 2011 yildan beri terma jamoada o'ynab kelayotgan bu hujumchi shu paytgacha 80 o'yinda maydonga tushib, 30ta gol urgan.

X.Xoliqov.