Jeyk Pol: "Biz Xabibni nafaqadan qaytarishimiz kerak"

"Donald Tramp mening Xabib bilan jangimni ko'rishni xohlashini va bu ajoyib jang bo'lishini aytdi. Tashkil etish mumkin bo'lgan eng katta jang - bu MMAda Makgregorga qarshi mening jangim. Ammo MMAda Xabib bilan jang ham katta darajada bo'ladi, shuning uchun biz Nurmagomedovni nafaqadan qaytarishimiz kerak. Uni pul bilan qiziqtirolmasam kerak, lekin, ehtimol, birgalikda biror qiziqarli va foydali ish qilishimiz mumkin. Masalan, Dog'istondagi qishloqlarni qayta qurish tarafdoriman", - dedi amerikalik Complex nashriga bergan intervyusida.

16 may kuni Most Valuable Promotions o'zining birinchi aralash yakkakurash turnirini o'tkazadi. Uning asosiy voqeasi yarim engil vazn toifasida Ronda Rouzi va Jina Karano o'rtasidagi ayollar jangi bo'ladi.

Jeyk Polga kelsak, u oxirgi marta o'tgan yilning dekabr oyida ringga chiqqan va oltinchi raundda og'ir vazn toifasida boks bo'yicha sobiq jahon chempioni Entoni Joshuaga nokaut bilan yutqazgan edi.