Jokovich - ESPYS 2023 mukofoti sohibi!

Ushbu mukofot sportda ulkan yutuqlarga erishib kelayotganlarga topshiriladi. O'z tarixida 31-marotaba o'tkazilgan bu yilgi ESPYS mukofoti g'oliblari orasida Novak Jokovich ham bor. Serbiyalik ovoz berish jarayonida eng yaxshi tennischi deb topildi. 

Novak bu nominaciyada ispaniyalik Karlos Alkaraz, belaruslik Arina Sobolenko hamda polshalik Iga Svyontekni ortda qoldirdi. Jokovich Uimbldon turnirida ishtirok etayotgani bois, sovrinni keyinroq qabul qilib oladi. U bugun 1/2 finalda italiyalik Yannik Sinnerga qarshi kortga chiqadi.   

ESPYS talqini bo'yicha "Yilning eng yaxshi erkak sportchisi" nominaciyasida amerikacha futbol vakili Patrik Maxoums, "Yilning eng yaxshi ayol sportchisi" yo'nalishida esa tog' chang'i sporti malikasi Mikaela SHiffrin g'olib bo'ldi.