Jon Jons Sergey Pavlovich bilan qanday shart evaziga jang qilishi mumkinligini aytdi

Jons agar Liga unga rad eta olmaydigan moliyaviy taklif bersa, Stipe Miochich bilan jangdan so'ng Sergey Pavlovich bilan uchrashishga tayyor ekanligini bildirdi.

"Hamma Sergey Pavlovich haqida gapirmoqda. Sergey bu - katta chaqiruv, lekin uning kimligini hech kim bilmaydi. Ko'pchilik uni tanimaydi. O'ylaymanki, UFC tahlilchisi Lyuk Tomas "juda past mukofot uchun yuqori xavf" deganida eng yaxshisini aytdi.

Frensis Ngannu bilan jang bo'lgan taqdirda, bu pulga va tavakkal qilishga arzir edi. Yana ham kim biladi? Ehtimol, agar UFC kerakli miqdorni taklif qilsa, biz bu g'oyani Sergey bilan amalga oshirishimiz mumkin, ammo hozir menda barcha yutuqlar bor va men hech narsani isbotlashim shart emas.

Hozir mening maqsadim Madison Square Garden'da Stipe Miochichga qarshi katta jang o'tkazish va uni yakunlash. O'ylaymanki, Stipe bilan jang menga etarli bo'ladi. Stipe Miochichni mag'lub etganimdan keyin hech narsani isbotlashim shart emas deb o'ylayman", - dedi Jon Jons.