Jorj Sen-Per: "Dana Uayt meni aldadi"

"Xabib faoliyatini yakunlab bo'lganida, Dana menga qo'ng'iroq qilib, u bilan jang qiziqmi-yo'qmi deb so'radi. Buni eshitish g'alati edi, sababi hech qachon Xabib bilan jang qilishni xohlamaganman. Men o'ylab ko'rishim kerakligini aytdim, chunki kelgusida nima bo'lishi qiziq edi. Promouter qo'ng'irog'idan so'ng u bilan shaxmat o'ynashga tayyor bo'lishingiz kerak.

Dana menga Xabibning jangga rozi ekanligini aytdi. Lekin amalda bunday bo'lmadi. UFC ikkimizning ham faoliyatimizni yakunlaganimizni bilardi, ular shunchaki katta jang tashkillashtirishni xohlashgan. Bir necha kundan so'ng esa Xabibning menejeri Ali Abdel-Aziz: "Sen-Per Xabibga jang taklif qildi, lekin Xabib allaqachon nafaqada", - deb yozdi. 

Dana meni aldadi. U avval menga, so'ngra Xabibga taklif yubordi. Endi uning bu jang uchun meni aldaganini aniq bilaman. Endi Dana shunchaki quyidagicha gapirishi mumkin: "Nima uchun Sen-Per boksda jang qilishi kerak? U axir Xabib bilan jangdan bosh tortgan". Ayyorona harakat", - deya Sen-Perning so'zlarini keltiradi Essentially Sports.