12 iyu 18:55
Yangiliklar

Boks/MMA

Joshua - Uayt jangi chiptalari qisqa muddatda sotib bo'lindi + FOTO

Xabaringiz bor, 12 avgust kuni Buyuk Britaniya poytaxti London shahridagi O2 Arena'da navbatdagi professional boks oqshomi tashkil etiladi.

Mazkur boks oqshomining markaziy jangida superog'ir vazn toifasida Buyuk Britaniya vakili Entoni Joshua (25-3-0) hamyurti Dillian Uaytga (29-3-0) qarshi ringga ko'tariladi. Ikki kun avval vatandoshlar face to face marosimida o'zaro yuzma-yuz kelishgan edi.

Entoni Joshua va Dillian Uayt oradan 8 yil o'tib yana to'qnash kelishyapti. Bu galgi jang Uayt uchun revansh maqomida bo'ladi. Jang uchun chiqarilgan chiptalar qisqa fursatda o'z egalarini topgan. On Sale Now va Sold Out o'rtasidagi farq taxminan 5 soat bo'lgan.

Londondagi O2 Arena o'z bag'riga 20 000 tomoshabinni sig'dira oladi. Eng arzon chipta 40, eng qimmati 800 funt sterlingdan sotilgan.