Joshua Usikka mag'lub bo'lsa faoliyatini yakunlaydimi? Britaniyalik javob berdi

Britaniyalik bokschi Entoni Joshua ukrainalik chempion Aleksandr Usikka qarshi revansh jangi haqida gapirdi. Joshuaning so'zlariga ko'ra, u Usikka mag'lub bo'lgan taqdirda ham faoliyatini yakunlamaydi.

"Faoliyatimni tugatish haqida o'ylayotganim yo'q. Oldinda eng katta janglardan biri bor va agar hozir ketish haqida o'ylasam, bu mening ichimda ko'p shubha uyg'otadi. Odamlar doimo savol berishadi. Lekin men faoliyatimni davom ettirishni xohlayman. Sababi, men boksni yaxshi ko'raman", — dedi Joshua.

"Bu mening jahon kamari uchun ketma-ket 12-jangim. Raqibim jahondagi eng yaxshi bokschilaridan biri. Bu mening Olimpiya chempioniga qarshi uchinchi jangim. Men har qanday vazn toifasida eng yaxshi jangchilardan biri bilan jang qilishim kerak. 

Agar men biror-bir jangchiga yutqazib qo'yganimda ketish haqida gapirish mumkin edi. Lekin sayyoramizdagi eng yaxshi jangchilardan biriga yutqazib, faoliyatimni tugatish haqida gapirish ahmoqlik. Bu qanday safsata? Odamlarning fikrini hurmat qilaman. Lekin ketish niyatim yo'q!", - deya Joshuaning so'zlarini keltiradi Mirror.

Eslatib o'tamiz, bokschilar o'rtasidagi ilk jang o'tgan yilning 26 sentyabrida bo'lib o'tgan edi.

Avvalroq, ushbu jangga nafaqat ukrainalik bokschining, balki Tayson Fyurining ham vakant kamari qo'yilgani haqida xabar bergan edik.