"Joshuaning mag'lubiyatiga murabbiylar sababchi deb o'ylamayman"

Sobiq jahon chempioni Devid Xey og'ir vazn toifasida WBA IBF WBO va IBO yo'nalishlari chempioni Aleksandr Usikga qarshi revansh jangi oldidan Entoni Joshua murabbiyini o'zgartirishi kerak emasligi haqida gapirdi.

«Menimcha, Joshuaga yangi murabbiy kerak emas. Uning Usikdan mag'lub bo'lishiga murabbiylar yoki jismoniy holati bilan shug'ullanuvchi mutaxassislar sababchi bo'lganiga shubha qilaman. Menimcha, hammasi niyatga bog'liq. U Usikni nokautga uchratish niyatida emasdek tuyildi. Joshua hisob orqali g'alaba qozonishga harakat qildi. 

Bu uning oldingi janglarida yaxshi samara bergan. Joshua Pulev bilan jang qilganida juda kuchli zarba bilan uni nokautga uchratgan edi. Bungacha Endi Ruiz bilan revansh jangi bo'lib o'tgandi. Ehtimol, Joshua shunchaki boks qilish rejimiga o'tgandir.

Joshuaning havaskor boksdagi faoliyati qisqa bo'lsada, juda yuqori darajada edi. U boksga kelganidan so'ng qisqa vaqt ichida Jahon chempionati finalida jang qildi.

Joshuaning faoliyati juda muvaffaqiyatli va o'zini uzoq masofali bokschi sifatida namoyon qildi. Ehtimol, u uzoq masofadan boks tushish kerak deb hisoblar. Bazan bu o'zini oqlaydi, lekin bazi raqiblar bilan harakatlarini o'zgartirishi kerak », dedi Xey iFL TV bilan intervyuda.