Joze Aldo rasman faoliyatini yakunladi, u qo'lqoplarni oktagon markazida qoldirdi + FOTO

Braziliyalik 39 yoshli jangchi tomoshabinlarning davomli qarsaklari ostida oktagonga chiqdi. U yillar davomida o'zi uchun shuhrat keltirgan qo'lqoplarini oktagon o'rtasida qoldirdi. Rafiqasi va qizi uni qo'llab-quvvatlash uchun oktagonga chiqqanida esa ko'z yoshlarini tiya olmadi. 

Joze Aldo ikkinchi marta sportdan ketmoqda. U birinchi bor 2022 yilda Merab Dvalishviliga qarshi jangda mag'lub bo'lganidan keyin qo'lqoplarni mixga ilgandi. Ammo UFC bilan shartnomada qolgan braziliyalik bir nechta jang o'tkazdi, jumladan, Jeremi Stivens bilan shiddatli jangda durang qayd etdi.

Ketishini elon qilinganidan ikki yil o'tmay, Aldo kutilmaganda UFC’ga qaytdi va 2024 yilning may oyida Rio-de-Janeyrodagi turnirda Jonatan Martinesni hakamlarning yakdil qarori evaziga mag'lub etdi. Bu g'alaba yakunda uning faoliyatidagi so'nggisi bo'ldi. SHundan so'ng u hakamlarning ayri qarori bilan Mario Bautistaga, shu yilning may oyida esa bahsli jangda Zaxabiga yutqazdi.

Agar bu chindan ham oxiri bo'lsa, Joze Aldo aralash yakkakurashlarda 32 g'alaba va 10 mag'lubiyat bilan ketadi. U ketma-ket ettita chempionlik himoyasini o'tkazib, tashkilotning yarim engil divizioni tarixidagi eng uzoq muddatli chempion bo'lib qolmoqda. Joze 2023 yilda UFC SHon-shuhrat zaliga kiritildi.