Junior European Cup 2025. Yaponiyani ortda qoldirgan O'zbekiston 32 davlat orasida 1-o'rinni egalladi (FOTO+JADVAL)

Dunyoning 4 qitasi 32 davlatidan jami 428 nafar dzyudochi qatnashgan Evropa Kubogi Kamol Murodov bosh murabbiyligidagi O'zbekiston yoshlar terma jamoasi uchun omadli keldi. Dzyudochilarimiz ikki kunlik murosasiz bellashuvlarda 3 ta oltin, 1 ta kumush, 2 ta bronza medali bilan umumjamoa hisobida 1-o'rinni egalladi. 

Yaponiya va Serbiya terma jamoalari ham biz kabi 3 tadan oltin va 1 tadan kumush medalni qo'lga kiritishdi. Ikkita bronza medali yakunda umumjamoa hisobidagi peshqadamligimizni taminlab berdi. SHuning o'ziyoq Pragadagi turnir qay darajada murosasiz kurashlar ostida o'tganidan dalolat bermoqda. 

Dilshodbek Hamroev (-66 kg), Samariddin Muxibiddinov (-81 kg) va Umida Nig'matova (+78 kg) sharafiga CHexiya zaminida O'zbekiston davlat madhiyasi yangradi. 

SHohsupaga ko'tarilgan dzyudochilarimiz:

Oltin medallar

-66 kg: Dilshodbek Hamroev

-81 kg: Samariddin Muxibiddinov  

+78 kg: Umida Nig'matova

Kumush medal

+100 kg: Fazliddin Rafikov 

Bronza medallar

-60 kg: Samariddin Qo'chqorov

-63 kg: Sarvinoz Husanova