Kamaru Usman yangilangan P4P reytingida 8-o'ringa tushib ketdi

Etti oy oldin "nigeriyalik dahshat" ushbu reyting karvonboshisi edi. Yangilangan reytingda u 8-o'ringa tushib ketdi. Kamaru o'tgan hafta Leon Edvardsga qarshi kechgan revansh jangida yana mag'lubiyat alamini totib ko'rgan edi. 

Usman Pound-for-pound reytingida Israel Adesanya, Aleks Pereyra va Aljameyn Sterlingni o'zidan yuqoriga o'tkazib yubordi. Nomlari tilga olingan jangchilar mos ravishda reytingning beshinchi, oltinchi va ettinchi pog'onalaridan joy olishgan. 

Londonda o'tgan UFC 286 turnirining markaziy jangida aynan Kamaru Usmanni mag'lubiyatga uchratgan Leon Edvards 4-o'rinni saqlab qoldi. Kuchli uchlikka engil vazn toifasi chempioni Islam Maxachev yakun yasagan.