18 dek 12:02
Yangiliklar

Boks/MMA

Kamil Karate ham Toshkentda jang qiladi, raqib malum + POSTER

Xabaringiz bor, 29 dekabr kuni poytaxtimizdagi "Humo Arena" majmuasida MMA bo'yicha Octagon 68 turniri tashkil etiladi.

Tashkilotchilar tomonidan oqshomning navbatdagi jangi ham elon qilindi.

Unga ko'ra, tojikistonlik aralash yakkakurash ustasi Qamariddin Hasanov (Kamil Karate) Octagon 68 kardi doirasida Ozarbayjon vakili Muhammadali Nurusov bilan to'qnash keladi.

Kamil Karate faoliyati davomida hozirga qadar 8 ta jang o'tkazib, 6 g'alaba va 2 mag'lubiyat qayd etgan. Nurusov hisobida esa 3 ta g'alaba va 3 ta mag'lubiyat bor.

Octagon 68 turnirining markaziy jangi o'zbekistonlik Anvar Abdullaev va Ozarbayjon vakili Farid Alibabazade o'rtasida kechadi.