Kamila Valieva Pekin Olimpiadasidagi mojarodan keyin birinchi marta Instagram'da post joylashtirdi

"Mening birinchi Olimpiadam nihoyat yakunlandi. Sportchi sifatida hayotimdagi eng muhim voqeaga meni etaklagan murabbiylarim Eteri Georgievna, Sergey Viktorovich, Daniil Markovichga rahmat aytmoqchiman. Siz o'z sohangizning mutlaq ustasisiz! Va siz faqatgina shug'ullantirmaysiz, balki o'zimizni engishni o'rgatasiz. Bu nafaqat sportda, balki hayotda ham yordam beradi. Yonimda siz bilan o'zimni himoyalangandek his qilaman va har qanday sinovdan o'ta olaman. Menga kuchli bo'lishga yordam berganingiz uchun rahmat", — deb yozadi Valieva.

SHuningdek, Kamila sinovli kunlarda uni qo'llab-quvvatlagan barchaga minnatdorchilik bildirdi.

"Ushbu og'ir davrda men bilan birga bo'lgan barchaga: yonimda bo'lgan va ko'nglimni sinishiga yo'l qo'ymagan, menga qo'llab-quvvatlovchi xabarlarni yuborgan, faqat men haqimda o'ylagan, ibodat qilgan, menga ishongan barchaga rahmat aytmoqchiman. Muxlislarim, oilam, do'stlarim, murabbiylarim, butun ROQ jamoasi, mening vatanim va butun dunyodagi odamlarga rahmat. Hammaga rahmat!

Men buni har doim eslayman, sizlardan minnatdorman va siz uchun figurali uchishda davom etaman",-deya post qoldirdi Valieva.