Kamondan otish. Amirxon Sodiqov Olimpiada chempioniga yutqazdi

Musobaqada kamondan otish bahslarida ishtirok etayotgan Amirxon Sodiqov 1/16 finalda London Olimpiadasi chempioni, Tokio Olimpiadasi kumush medali sohibi hisoblangan italiyalik Mauro Nespoliga qarshi bahs olib bordi va afsuski 4:6 hisobida yutqazdi. Sportchimiz bahsni juda yaxshi boshlagandi va 4:0 hisobida oldinga ham o'tib olgandi. Afsuski yakunda italiyalik mergan tajriba evaziga vaziyatni o'z tomoniga og'dirib ketdi.

Eslatib o'tamiz, u saralashda 13-natijani qayd etgan, 1/32 finalda esa argentinalik raqibini 6:2 hisobida mag'lub etgandi.