Kanelo uni Bivol bilan revansh jangidan qochganlikda ayblagan jurnalistga qo'pol javob qaytardi

Ikkinchi o'rta vazn toifasida mutlaq jahon chempioni, meksikalik bokschi Saul Alvares jurnalist Devid Faytelsonning Lionel Messini muhokama qilishni to'xtatib, bor etiborini Dmitriy Bivol bilan revansh jangiga qaratishga undagan postiga ochiqchasiga javob qaytardi.

"Diqqatingizni Bivolga qarating. Nega arzon bahslarga vaqt sarflash o'rniga, rossiyalik bokschi bilan revansh jangini o'tkazishni xohlamaysiz? Futbolchiga tahdid qilish menga juda qo'rqoqlikdek tuyuladi", - deb yozgan Feytelson ijtimoiy tarmoqlardagi sahifasida.

Saul Alvares esa bunga quyidagicha javob qaytargan:

"Qo'rqoq haromi, sen mening qarshimda turganingda, farishta bo'lib qolasan".