Kaneloning murabbiyi Usik bilan jang hech qachon bo'lmasligini aytdi

Yaqinda bergan intervyusida WBO, IBF, IBO va WBA yo'nalishlarida og'ir vazn toifasi chempioni Usik Kanelo bilan jang qilish imkoniyati uchun birinchi og'ir  vaznga qaytishga tayyorligini aytgandi.

Reynoso Kaneloni og'ir vazn toifasida eng yuqori cho'qqiga chiqqan yuqori malakali bokschiga qarshi jangdan manfaatdor emas deb hisoblaydi. Biroq, Reynoso o'zining boshqa bir  mag'lubiyatga uchramagan shogirdi - kubalik og'ir vazn toifasidagi Frenk Sanchesni Usik bilan uchrashishiga juda qiziqmoqda.

“Yo'q, hech qanday holatda, Kaneloning Usik bilan jang qilishiga hech qanaqa imkoniyati yo'q. U og'ir vazn toifasidagi jangchi, shuning uchun bizda Frenk Sanches bor va bu ajoyib jang bo'lardi", - dedi Reynoso.