Karate. Jamoamiz Osiyo chempionatida ikkinchi bo'ldi

Ikkinchi marotaba o'tkazilgan mazkur musobaqada qitaning yigirmaga yaqin davlatidan kelgan 450 nafar sportchi g'oliblik uchun kurash olib bordilar.

Jumladan, jamoaviy kumite (yakkama-yakka kurash) bo'yicha xotin-qizlar o'rtasida bo'lib o'tgan musobaqada oltin medalga sazovor bo'lgan vakillarimiz, kata (ko'rgazmali chiqish) bahslarida bronza medali bilan taqdirlandilar. Erkaklar o'rtasidagi jamoaviy kumite bahslarida esa terma jamoamiz kumush medal sovrindori bo'ldi. 

Quvonarlisi, hamyurtlarimiz shaxsiy hisobda bo'lib o'tgan musobaqalarda ham ko'plab medallarni qo'lga kiritdilar. Bu ham o'z navbatida sportning ushbu turi mamlakatimizda yildan-yilga rivojlanib borayotganligidan dalolat beradi.

 SHu tariqa, o'ta murosasiz kurashlarga boy kechgan klublar o'rtasidagi Osiyo chempionatida O'zbekiston terma jamoasi umumjamoa hisobida ikkinchi o'rinni egalladi. Birinchi o'rinni Eron terma jamoasi band etgan bo'lsa, uchinchi o'rin Qozog'iston vakillariga nasib etdi.

SHavkat Jalilov