Karate. Tokio Olimpiadasi licenziyasiga juda yaqin keldik, ammo...

Avvalroq, ushbu musobaqada o'zbekistonlik karatechilar ham ishtirok etishi haqida xabar qilgandik.

Terma jamoamiz licenzion turnirda 6 nafar sportchi bilan ishtirok etdi. Afsuski, musobaqa yakuniga ko'ra xech qaysi karatechimiz licenziya qo'lga kirita olmadi. 

Karatechilarimiz Parijga 6 kishilik tarkib bilan jo'nab ketishgandi. 

Vakillarimiz ichida -75 kg vazn toifasida yurtimiz sharafini himoya qilgan Dostonbek Otabolaev yarim finalgacha etib bordi. Final va Tokio Olimpiadasi licenziyasi uchun kechgan bahsda u germaniyalik raqibga imkoniyatni boy berib qo'ydi. SHunday bo'lsada, unda yana bir imkoniyat yuzaga kelgandi. Uchinchi o'rin uchun bahsda esa qozog'istonlik raqibga mag'lub bo'ldi. 

Malumot uchun, ushbu licenzion turnirda kuchli uchlikka kirgan karatechilar Olimpiada yo'llanmasini qo'lga kiritishardi. 

O'zbek karatechilaridan kim qaysi bosqichgacha etib bordi?

-67 kg: Sadriddin Saymatov - uchinchi jangida rossiyalik raqibga yutqazdi

-75 kg: Dostonbek Otabolaev - yarim finalda germaniyalik, uchinchi o'rin uchun bahsda esa qozog'istonlik raqibga mag'lub bo'ldi

+75 kg: Jahonshox Ibrohimov - ikkinchi jangida italiyalik raqibga yutqazdi

-55 kg: Bahriniso Boboeva - ikkinchi bosqichda italiyalik sportchiga mag'lub bo'ldi

-61 kg: Sevinch Rahimova - birinchi jangida rossiyalik raqibga yutqazdi

+61 kg: Dildora Aliqulova - ikkinchi jangida Slovakiya vakilasiga yutqazdi