26 may 10:32
Yangiliklar

Karate

Karate WKF: rossiyalik taniqli mutaxassis ishtirokida seminar tashkil etildi

Teglar : Karate

So'nggi yillarda xalqimizning salomatligi to'g'risida g'amxo'rlik qilish, manaviy va jismoniy barkamol avlodni shakllantirish, aholi, ayniqsa yoshlarni sportga keng jalb etish borasida bir qator chora-tadbirlar amalga oshirib kelinmoqda.

Jumladan, karate WKF'ni mamlakatimizda keng ommalashtirish, uni aholi, ayniqsa yoshlar orasida eng ommaviy sport turiga aylantirish, yuqori iqtidorga ega yosh karatechilarni tanlash, saralab olish va ularni professional sportchilar sifatida tayyorlash tizimi yo'lga qo'yilmoqda.

Bugungi kunda ushbu sport turi bilan shug'ullanayotgan sportchi va trenerlarning yanada o'sishiga yordam berish maqsadida O'zbekiston karate milliy federaciyasi tomonidan qator loyihalar amalga oshirilmoqda.

Joriy yil 24-25 may kunlari rossiyalik mashhur karate ustasi, 7-dan qora belbog' sohibi Igor Sadovnikov ishtirokida yurtimizdagi karate ustalari va trenerlar uchun o'quv-seminar tashkil etildi.

Ushbu seminardan ko'zlangan asosiy maqsad, Olimpiya oilasiga kiruvchi karate sporti bilan yurtimizda mashg'ul bo'lgan vakillarimizning tajribasini oshirish va jahon darajasidagi sportchilarni tayyorlashda ularga ko'mak berishdan iborat.

O'quv-seminarda respublikamizning barcha hududlaridan sportchi va trenerlar ishtirok etishdi. SHuningdek, karate sporti ixlosmandlari ham taklif etildi.

O'zbekiston Milliy univeristeti sport zalida tashkil etilgan seminarda mahoratli karate ustasi Igor Sadovnikov yosh sportchilar va trenerlarga jangda qo'l keladigan bir qancha yangi usullarni namoyish etib berdi.