05 mar 17:30
Yangiliklar
Karate
Karatechilarimiz Avstriyadagi nufuzli turnirda sovrindor bo'lishdi
2-4 mart kunlari Avstriyaning Zalcburg shahrida karate bo'yicha A seriya toifasidagi musobaqa o'tkazildi.
Etiborli tomoni, ushbu musobaqada o'zbekistonlik sportchilar ishtirok etib, sovrindorlar qatoridan o'rin egallashga muvaffaq bo'ldi.
Kumite bahslarida -60 kg vazn toifasida musobaqada ishtirok etgan Sadriddin Saymatov barcha raqiblarini mag'lubiyatga uchratib, oltin medal sohibiga aylandi.
-67 kg vazn toifasida bahslarda ishtirok etgan Iqboljon Uzoqov ham finalgacha etib bordi. Afsuski, hal qiluvchi jangda u yaponiyalik raqibga yutqazib qo'ydi va musobaqaning kumush medali bilan kifoyalandi.
Qizlar o'rtasida -50kg vazn toifasidagi turnirda ishtirok etgan Bahriniso Babaeva bronza medali bilan yurtimizga qaytdi.
Havola :
Manba : olympic.uz
Fikrlar