13 fev 13:41
Yangiliklar
Karate
Karatechilarimiz Dubaydagi "Karate 1-Premier League" musobaqasida ishtirok etadilar
16-18 fevral kunlari Birlashgan Arab Amirliklarining Dubay shahrida karate bo'yicha "Karate 1-Premier League #2" turniri o'tkaziladi.
Mazkur nufuzli turnirda xar bir vazn toifasida 64 nafar eng sara karatechilar ishtirok etadilar. Musobaqada O'zbekiston terma jamoasi to'rt nafar sportchi bilan qatnashadi. Olimpiya o'yinlari uchun reyting ochkolari taqdim etadigan musobaqada Sadriddin Saymatov, Doston Otabolaev, Barno Mirzaeva hamda Bahriniso Boboevalar yurtimiz sharafini himoya qiladi.
Yigitlarimiz O'ktam Bekpo'latov qo'l ostida turnirda qatnashsalar, qizlar Dilnoza Bakirova boshchiligida tatamiga chiqadilar.
Eslatib o'tamiz, shu yilning yanvar oyida Parij shahrida o'tkazilgan "Karate 1-Premier League #1" turnirida Sadriddin Saymatov ishtirok etib, bronza medali sohibiga aylangandi.
Havola :
Manba : olympic.uz
Fikrlar