Karatechilarimiz jahon chempionatida 7 ta medal qo'lga kiritishdi

G'oliblik uchun 511  nafar sportchi kurash olib borgan chempionatda O'zbekiston sharafini «NUR-HAS» karate markazining to'qqiz nafar sportchilari himoya qilishdi. Dastlabki kungi natijalarga ko'ra kata bahslarida hamyurtimiz Mutal Nazarov kumush, Jaxongir Xaydarov bronza medaliga egalik qildi.

Jahon chempionatining ikkinchi kuni kumite bo'yicha g'oliblar aniqlandi. O'smirlar o'rtasidagi musobaqalarda sportchilarimizdan   Tolib Mardonov va Ogabek Xaliqulovlar o'z vazn toifalarida yarim final uchun o'tgan keskin janglarda raqiblariga imkoniyatni boy berishdi. Sevinchbek Qarshiev hamda Ibroxim Rajabovlar esa yakunda jahon chempionatini bronza medal bilan yakunlashdi.

Kattalar o'rtasida o'tgan musobaqalarda Fazliddin Xayotov yarim final yo'lida yurishini to'xtatdi. Mutloq og'ir sportchilar musobaqasida ishtirok etgan Nurbek Xushmanov hamda Rustam Zoirovlar bronza medallarini terma jamoamiz hisobiga yozib qo'yishdi.
Tomoshabinlar diqat etiborini tortgan qiziqarli janglar mutloq og'ir vazn toifasidagi qora belbog' sohiblari o'rtasida bo'lib o'tdi. -90 kilogramm vaznga ega bo'lgan hamyurtimiz Mutal Nazarov yarim finalda og'irligi 140 kilogramm bo'lgan qozog'istonlik Aleksey Polyakovni mag'lub etib finalga chiqdi.

Akrainalik Dmitriy Boklashhuk bilan o'tgan final jangining asosiy vaqtida esa tomonalar imkoniyati teng baholandi. G'olib nomi qo'shimcha vaqtlarda aniqlanadigan bo'ldi. Va yakunda hakamlarning qarori bilan g'alaba ukrainalik sportchi hisobiga yozildi.
SHunday qilib «NUR-HAS» karate markazi vakillari jahon chempionatida 2 ta kumush va 5 ta bronza medallariga ega bo'lishdi.