Karatechilarimiz Portugaliyadagi Premer-Liga musobaqasiga yo'l olishmoqda

Vakillarimiz 30 aprel – 2 may kunlari Lissabon shahrida bo'lib o'tadigan navbatdagi Premer-liga musobaqasida ishtirok etishadi. Bugun MOQ raisi Rustam SHoabdurahmonov va uning o'rinbosari SHerzod Tashmatov safar oldidan terma jamoamiz vakillari bilan uchrashdi. Suhbat davomida MOQ raisi karatechilarimizning kayfiyati va holati haqida suhbatlashdi. 

“Licenzion musobaqaga ham oz vaqt qoldi. Bu turnir Parijda o'tadigan musobaqaga tayyorgarlik bo'ladi. Jang payti o'zingizda kichik jarohat sezsangiz, darhol musobaqadagi ishtirokni to'xtating. Asosiy etiborimiz Olimpiadaga to'g'ridan to'g'ri yo'llanma beradigan musobaqaga qaratiladi. Bu borada hukumatimiz barcha kerakli sharoitlarni yaratib bermoqda. Biz bunga o'z g'alabalarimiz bilan javob berishimiz lozim. Tayyorgarlik bilan bog'liq qanday sharoitlar kerak bo'lsa, biz yaratib beramiz”, – dedi Rustam SHoabdurahmonov.

Tashrif davomida MOQ rahbariyati karatechilarimiz istiqomat qilayotgan mehmonxonaning sharoitlarini ko'rib chiqdi. Yakunda mutasaddilar sportchilarimizga omad tilab, safar davomida salomatliklariga etiborli bo'lishlarini takidlashdi.

Malumot uchun, Lissabon turnirida yurtimiz sharafini Sadriddin Saymatov (-60 kg), Doston Otabolaev (-75 kg), Bahriniso Babaeva (-50 kg) va Sevinch Rahimova (-55 kg) himoya qilishadi. Iyun oyida Parij shahrida karate bo'yicha Tokio-2020 Olimpiadasiga to'g'ridan to'g'ri yo'llanma beruvchi musbaqa bo'lib o'tishi rejalashtirilgan. Lissabon turniri mazkur musobaqaga tayyorgarlikning so'nggi bosqichi vazifasini o'tab beradi.