Karatechilarimiz Yaponiyadagi World Dream Cup turnirida + FOTOGALEREYA

Tokyo Metropolitan Gymnasium arenada ananaviy tarzda o'tkazib kelinayotgan ushbu musobaqada 30 dan ziyod davlatdan 3800 nafarga yaqin karatechilar ishtirok etishyapti. Yurtimiz sharafini 5-DAN qorabelbog' sohibi, O'zbekiston Branch chifi, shixan Mutal Nazarov boshchiligidagi sportchilarimiz himoya qilishmoqda. 

Muzaffar Hikmatillaev (80 kg) 45 yoshlilar o'rtasidagi bellashuvlarda qatnashayotgan bo'lsa, Aziz Karimov (75 kg) 35 yoshlilar guruhida o'z mahoratini namoyish etyapti. Ushbu xalqaro musobaqa yakunlanganidan keyin qatnashchi davlatlar uchun seminar tashkil etiladi. 

World Dream Cup turniri doirasida Mutal Nazarov Jahon Karate tashkiloti prezidenti Kenji Midori bilan uchrashdi. Janob Midori kelasi yili poytaxtimizda o'tkazilishi rejalashtirilayotgan Markaziy Osiyo chempionatiga kelishga vada berdi. 

Tokiodagi turnir terma jamoamiz azolari uchun noyabr oyida Tailand poytaxti Bangkok shahrida o'tkaziladigan Osiyo chempionatiga tayyorgarlik bosqich vazifasini o'tab bermoqda. 

Darvoqe, Mutal Nazarov va uning shogirdlariga avgust oyi oxirida AQSHda o'tkaziladigan nufuzli musobaqa uchun rasmiy taklifnoma kelgan.