17 noy 08:43
Yangiliklar
Karate
Karatechimiz ilk bor jahon chempionati finalida!
Ayni kunlarda BAAning Dubay shahrida karatening WKF yo'nalishi bo'yicha kattalar o'rtasida navbatdagi jahon chempionati bahslari bo'lib o'tmoqda.
Ushbu musobaqada sayyoramizning besh qitasidagi 104 ta davlatdan 1000 nafarga yaqin sportchi g'oliblik uchun tatamiga chiqmoqda. Jahon chempionatida vatanimiz sharafini O'ktam Bekpo'latov boshchiligidagi 15 nafar karatechimiz himoya qilyapti.
Quvonarlisi, erkaklar o'rtasida -75 kg vazn toifasidagi janglarda yurtdoshimiz Dostonbek Otabolaev finalga yo'l oldi. Farg'onalik sportchimiz yarim finalda amerikalik Tomas Skottni 1:0 hisobida mag'lub etdi va final yo'llanmasini qo'lga kiritdi.
Endi hamyurtimiz 20 noyabr kuni bo'ladigan final jangida Misr vakiliga qarshi oltin medal uchun jang qiladi.
Havola :
Manba : olympic.uz
Fikrlar