Kasper Ruud "Rolan Garros" 1/2 finalida

Dunyoning to'rtinchi raketkasi Kasper Ruud musobaqaning yarim final ishtirokchisiga aylandi. Norvegiyalik tennischi 2 soatu 44 daqiqa davom etgan bahsda reytingda o'zidan ikki pog'ona quyida borayotgan daniyalik Xolger Runeni to'rt set natijasiga ko'ra mag'lubiyatga uchratdi - 6/1, 6/2, 3/6, 6/3.

Kasper o'zaro uchrashuvlardagi hisobni yanada yiriklashtirdi - 5:1. Ruud 5, Rune 1 ta eys zarbasini amalga oshirgan. Norvegiyalik faoliyatida uchinchi bor "Katta Dubulg'a" turniroarining 1/2 finalida o'ynaydi. O'tgan yili u "Rolan Garros" va US Open turnirlarining finaligacha etib kelgandi.