Katerjina Sinyakova Gonkong turniri finalida

WTA reytingida 85-pog'onadan joy olgan chexiyalik Katerjina Sinyakova musobaqaning ilk finalchisiga aylandi. U 1/2 finalda dunyoning 42-raketkasi, italiyalik Martina Trevizanni 6/4, 6/2 hisoblarida mag'lubiyatga uchratdi. 

Tennischilarning o'zaro uchrashuvlarida Katerjina hisobda oldinga chiqib oldi - 2:1. To'qson to'rt daqiqalik bahsda Sinyakova 4 ta eys, 1 ta qo'shxato va 6 ta breyk qayd etdi. Endi u bosh sovrin uchun kanadalik Leyla Fernandesga qarshi kortga chiqadi.