Kattalar o'rtasidagi O'zbekiston chempionati start arafasida

Yilning mamlakat miqyosidagi nufuzli musobaqasiga "Sahovat sport servis" (sobiq "O'zbekiston" sport saroyi) sport majmuasi mezbonlik qiladi. CHempionatda Qoraqalpog'iston Respublikasi, barcha viloyatlar hamda Toshkent shahridan tajribali va shu bilan birga istedodli dzyudochilar ishtirok etadi. 

Bahslar 7 ta (erkaklar va ayollar) vazn toifasida o'tkaziladi. Erkaklar -60, -66, -73, -81, -90, -100, +100 kg vazn toifalarida bahsslarga kirishishadi. Ayollar o'rtasida esa -48, -52, -57, -63, -70, -78 hamda +78 kg vaznlarda g'olib va sovrindorlar aniqlanadi. 

O'zbekiston chempionatida birinchi raqamli dzyudochilarimiz ishtirok etmaydi. Boisi, ular shu kunlarda Yaponiyaning Osaka shahrida tashkil etilayotgan va "Masters" turniriga tayyorgarlik vazifasini o'tovchi xalqaro o'quv-mashg'ulot yig'inida qatnashishyapti. 

Malumot uchun, O'zbekiston chempionati bahslari ertalab soat 10:00dan boshlanadi. Musobaqaning tantanali ochilish marosimi esa 4 dekabr kuni soat 16:00da bo'lib o'tadi.