Kechagi 6 ta medaldan keyin O'zbekiston paralimpiyachilarining umumjamoa hisobidagi o'rni o'zgardimi?

Kechagi kun dasturida o'zbekistonlik paralimpiyachilar 1 ta oltin, 3 ta kumush, 2 ta bronza, jami 6 ta medal qo'lga kiritishdi. Kechagi kun doirasida yagona oltin medali para engil atletikachimiz Tolibboy Yo'ldoshev O'zbekiston delegaciyasiga taqdim etdi. Bu Parij paralimpiya o'yinlaridagi to'qqizinchi oltin medalimiz bo'ldi. 

Bugungi kun oldidan O'zbekiston sport delegaciyasi 9 ta oltin, 8 ta kumush, 6 ta bronza, jami 23 ta medal bilan umumjamoa hisobida 12-o'rinni egallab turibdi. Kecha ham 12-pog'onadan joy olgandik. Biz singari 9 ta oltin medalga ega Germaniya terma jamoasi 11-o'rinni band etgan. Olmonlarda bizdan 3 ta kumush medal ko'proq. Top-10`ga yakun yasab turgan Yaponiya terma jamoasi hisobida 12 ta oltin medal bor.   

Xitoy Respublikasi 83 ta oltin, 64 ta kumush, 41 ta bronza, jami 188 ta medal bilan ro'yxatda katta ustunlik bilan peshqadamlikni davom ettirmoqda. Qirq ikkita oltin, 34 ta kumush, 24 ta bronza medaliga ega Buyuk Britaniya ikkinchi o'rinni egallab turibdi. AQSH sportchilari 31 ta oltin, 36 ta kumush, 19 ta bronza medali bilan kuchli uchlikka yakun yasashgan. Niderlandiya delegaciyasi 24 ta oltin, 14 ta kumush, 10 ta bronza medali to'rtinchi pog'onadan joy olgan.  

Bizdan avvalgi o'rinlarni Germaniya, Yaponiya, Avstraliya, Ukraina, Braziliya, Franciya va Italiya terma jamoalari band etgan. Jami 63 davlat delegaciyalari hisobida kamida 1 tadan oltin medal bor. Kamida 1 ta bronza medalini qo'lga kiritgan davlatlar soni 83 taga etdi.