Kechagi kunni medalsiz yakunlagan O'zbekiston paralimpiyachilari umumjamoa hisobida nechanchi o'rinda?

Kechagi kun dasturida uch nafar o'zbekistonlik paralimpiyachi o'z omadini sinab ko'rdi, ammo kunni medalsiz yakunladik. Bugungi kun oldidan O'zbekiston sport delegaciyasi 5 ta oltin, 3 ta kumush, 3 ta bronza medali bilan umumjamoa hisobida 9-o'rinni egallab turibdi. Kechagi kun oldidan 7-o'rinda borayotgandik. 

Xitoy Respublikasi 33 ta oltin, 27 ta kumush, 11 ta bronza, jami 71 ta medal bilan ro'yxatda katta ustunlik bilan peshqadamlik qilyapti. CHin yurti vakillari kechagi bahslarda 13 ta oltin, 12 ta kumush, 4 ta bronza medali qo'lga kiritishdi. Yigirma uchta oltin, 12 ta kumush, 8 ta bronza medaliga ega Buyuk Britaniya ikkinchi o'rinni egallagan. Kecha inglizlar 12 ta oltin medalni o'z hisoblariga yozib qo'yishdi. AQSH sportchilari 8 ta oltin, 11 ta kumush, 8 ta bronza medali bilan uchinchi o'ringa ko'tarilib olishdi. Braziliya delegaciyasi 8 ta oltin, 4 ta kumush, 15 ta bronza medali to'rtinchi pog'onadan joy olgan.  

Bizdan avvalgi o'rinlarni Italiya, Niderlandiya, Avstraliya va Franciya terma jamoalari band etgan. Italiya ham biz singari 5 nafar chempionga ega. Franciya, Avstraliya va Niderlandiya delegaciyalarida 6 tadan oltin medal bor. Jami 42 davlat delegaciyalari hisobida kamida 1 tadan oltin medal bor. Kamida 1 ta bronza medalini qo'lga kiritgan davlatlar soni 65 taga etdi.