Keldiyorova Antaliya "Katta Dubulg'a" turniri chempioni!

Hozirgina -52 kg vazn toifasidagi bellashuvlarda yurtimiz sharafini himoya qilgan Diyora Keldiyorova final uchrashuvini yakunladi. Kadetlar o'rtasida jahon chempioni hisoblangan Diyora oltin medal uchun kechgan bellashuvda so'nggi Evropa chempionatining bronza medali sohibasi ispaniyalik Estrella SHeriff Lopesga qarshi tatamiga chiqdi. Diyora tajriba bobida biroz ustunroq bo'lgan Estrellani mag'lubiyatga uchratib, Antaliya "Katta Dubulg'a" turniri g'olibasiga aylandi.  

Diyora Keldiyorova ayollar dzyudosi bo'yicha tarixni yangilay oldi. Gulnoza Matniyazova Toshkent va Tbilisi "Katta Dubulg'a" turnirlarida bronza medalini qo'lga kiritgandi. Diyora esa o'zbekistonlik dzyudochi qizlar orasida ilk bor "Katta Dubulg'a" turnirining finalida tatamiga chiqdi. Keldiyorova oltin medal bilan birga qimmatli 1000 reyting ochkosiga ham ega bo'ldi.