"Klassiklar"imiz Yangiobodda yig'in boshlashdi FOTOREPORTAJ

Jumladan, yunon-rim kurashi bo'yicha O'zbekiston kattalar terma jamoasi Toshkent viloyatining tog'li hududida joylashgan Yangioboddagi sport bazasida o'quv-mashg'ulot yig'inini boshladi. 

Kuniga uch mahal o'tkazilayotgan mashg'ulotlarda Ravshan Ro'ziqulov boshchiligidagi 30 nafar "klassik" kurashchilarimiz ishtirok etishayapti.

O'zbekiston sport kurashlari associaciyasi bosh shifokori Elena Abaeva sportchilarni doimiy ravishda nazorat qilib borayapti. Yig'inda barcha karantin qoidalariga rioya qilinmoqda. 

Yangioboddagi yig'in 17-19 noyabr kunlari Navoiy shahrida o'tkaziladigan kattalar o'rtasidagi O'zbekiston chempionati, shuningdek dekabrda Serbiya poytaxti Belgrad mezbonlik qiladigan jahon chempionatiga tayyorgarlik bosqich vazifasini o'tab beradi.      

Murabbiylar - Ravshan Ro'ziqulov, Rustam Qudratov, Zaza Silagadze, Aslidin Xudoyberdiev, Isroil Siddiqov, Xayrulla Abdullaev. 

SHifokor - Elena Abaeva 

Massajchi - Uzrob Tursunaliev

Malumot uchun, Yangioboddagi o'quv-mashg'ulot yig'ini 31 oktyabrga qadar davom etadi.