13 may 07:23
Yangiliklar

Ot Sporti

Konkurchilarimiz Gran-pri yo'nalishida tengsiz

SHu kunlarda konkur va ot yo'rttirish bo'yicha O'zbekiston terma jamoasi Qirg'izistonning Bishkek shahrida o'tayotgan “Eurasia league Bishkek 2023” musobaqasida ishtirok etmoqda.

Hamyurtlarimiz turnirning Gran-pri yo'nalishida oltin va kumush medallarni qo'lga kiritishdi.

150 sm balandlikdagi to'siqlardan sakrash dasturida “CHempions Ligas” tulporida ishtirok etgan Xurshidbek Alimjonov masofani jarima ochkolarisiz bosib o'tib, eng yuqori natijani qayd etdi. Ikkinchi o'rin “Bozart De Ruet” otida ishtirok etgan Azam Tolibboevga nasib etgan bo'lsa, Rinata Galimova (Qirg'iziston) kuchli uchlikni yakunlab berdi.

Qayd etish joiz, musobaqada Bekzod Qurbonov va Nurjan Tuyakbaev keyingi pog'onalarni band etishdi.